1. |
Rumur ün
04:56
|
|
||
Liquid s-chür suorta tras la pel s-charpada
Fouras sur meis corp eu n‘ha s-chalpnà
Per finir la dolur in mi‘orma confusa
E salvar üna vita daltout ruinada
Fil cun spinas our dal culöz stoss allontanar
Prouv da sbragir, ma i nu voul plü reuschir
La giargiatta s-charpa cun meis tir
Ils tagls frais-chs am laschan patir
In quista stanza impraschunà
Filfier intuorn chanvellas am n‘ha lià
Il sang dschet our d‘las avainas plan guottà
In quist muond s-chiffus sarà eu arrestà...
|
||||
2. |
Rumur duos
03:07
|
|
||
„Üna vuota va tuot a fin, sco las fluors sülla cuttüra,
sco l‘erba sülla prada, sco il chant da la laudinella...“
Am dumond be che ch‘eu n‘ha ris-chà
Tuot quists ons bain be tambas-chà
Glüm, dapertuot listess suldüm
Glüm dapertuot, listess s-chürdüm
Croudà, sül fuond fraid
Pens eu a meis fats
Tuots d‘ün passà, passà
In meis cheu sun strats
E che ch‘eu uossa tantüna far stuvarà
Per am nettiar da tuot quist puchà
|
||||
3. |
Rumur trais
05:07
|
|
||
Guarda co cha‘ls pissers m‘han distrats
Spettond il mumaint per am dar ils splats
„La spranza gniva pustüt la saira tard, cur cha‘l spiert surgniva alas e giaiva in faira. Plü greiv d‘eira suvent la bunura, cur ch‘el staiva sü e chattaiva in chadafö sia cuntschainta suldüm, sco üna fidela amia, sblacha, tschantada pro la maisa, cul mintun sül man.“
Cun forza prouv eu da tuornar il declin
Però l‘unic ch‘eu poss far es ün tmüch inclin
Tuot quist am muossa meis destin
Per dar ün‘ ultima branclada a mia fin...
„Il cumün tascha. Quia la rumur d‘ün bügl, in ün curtin la siluetta d‘ün chavagl chi guarda nan immovibel, pro la resgia ün‘odur da lain ümid. Lura be plü il stradun, la champogna ins-chürida.“
Glüm dapertuot, listess s-chürdüm,
Glüm, dapertuot listess suldüm
Glüm dapertuot, listess suldüm.
Glüm, dapertuot listess s-chürdüm
La secunda cun ögls serrats basta baincomal
E las vuschs rian sur meis sbagl fatal
|
||||
4. |
Rumur quatter
03:55
|
|
||
Ün patimaint da bunura fin in saira
Prouv d‘am strar liber da quista paina
I‘ls mürs d‘atschal, svanischan els lura svelt
Ed i plouva be paivers infernals
Prouv d‘am strar liber da quista paina
Ün patimaint da bunura fin in saira
Am schmach guottas illa bratscha
Il corp da davo. Sfrachs illa fatscha
„Quai es adüna il plü mal, pensa‘l, la tschertezza chi nu darà ningün miracul.“
|
||||
5. |
Rumur tschinch
07:24
|
|
||
Mia libertà es d‘esser chastià
Fanestras intuorn mai, impraschunà
Milli clavs na drivan gnanc‘ ün portun
Mia professiun, chastlan d‘isolaziun
Glüm, dapertuot listess suldüm
Glüm dapertuot, listess s-chürdüm
Glüm, dapertuot listess s-chürdüm
Glüm dapertuot, listess suldüm
„Il davomezdi, sch‘el d‘eira là sulet, as dudiva be il tic-tac da l‘ura da paraid. Ma eir sulet nu til gniva mai lungurus, i paraiva cha‘l temp scuttess be daspera, las uras schmütschivan sainza pais...“
Am lascha sentir la preschentscha
Co per dir cha tü est adüna qua
Dod tia vusch riond, d‘inviern e da stà
‘Meis char, sulet mai nu‘t lascharà’
Mürs indesdrüabels, illa foura perd eu tuot
Vegn a fuond, in malura. Am lascha bain ir suot
Am stira aval, eu perisch, tuot es ruot
Temmantà e plain inquietezza. Tremblöz, mincha not
„El vezza il quader da la fnestra, ün toc tschêl, la siluetta da la muntogna. Il favuogn nu dà pos, va marmuognond intuorn chasa, squassa ils uschöls, sofla tras las s-chandellas dal tet. Sch‘el chatta alch entrada pro‘l tablà, as sfua‘l subit aint in piertan e sü da s-chala, lura scruoscha dapertuot sco in üna chasa da malspierts.“
|
||||
6. |
Rumur ses
05:21
|
|
||
„Crap e lain han resisti al temp, schabain cha‘l temp es adüna quia, sfuschignond per quai d‘intuorn cun mans silenzius.“
In ün schuschuri glischa el sur mia pel
La tschiera ins-chürischa meis spiert vegl
La fin fingià lönch scrit sün seis fögl
Es quai propcha fingià tuot ch‘eu vögl?
Insömgiond sez eu sün quist mantun
Giò sül fuond da la vita uossa stun
Mai nu‘t pudaiva rovar per pardun
Fat es fat, tour inavo vuless eu ‘na prun‘
Bram d‘independenza, ‘già lönch passà
Chafuol in mai tuot para sfrattamà
Illa terra suos-cha sun‘ chavà
Glüm mai plü vezzarà, stuvarà bod tour cumgià
„Là ingio chi cumainza il god vegna amo plü s-chür, ma il stradun suot seis peis resta grisch, sco schi vessan büttà tschendra.“
|
||||
7. |
Rumur set
03:43
|
|
||
Eu sbrai, sbrai da tuot meis cour
La temma ria perfid, sco üna noscha sour
Mia beadentscha scrouda in vain sco üna fluor
E am chat sulet, sulet in üna tuor
Cun vistas sfuormadas rian els da cuntin
Vez sumbrivas chi‘m muossan meis cunfin
Prouv da smütschir, e‘m schlov sco ün stortin
Vez la mort e mia fin. Quist es meis destin...
„Pür uossa as volva‘l e guarda intuorn sai. La clerità tendscha fin sü pro‘l god, ils larschs büttan sumbrivas sülla grippa; para be üna processiun dals morts.“
Üna processiun dals morts
|
||||
8. |
Rumur ot
02:34
|
|
Streaming and Download help
If you like Wacht, you may also like:
Bandcamp Daily your guide to the world of Bandcamp