1. |
Pers
04:31
|
|
||
Pensond vi dal tschert destin
Sez'eu sün ün crap abandunà
Che tils varà be manà, a la fin
In quist lö, uschè lönch fingià desertà
La planüra suot mai plain disfurtünats
Seguind vias e fastizis stortigliats
Umans chatschats, confus e disperats
Da la vita fuormats, üsats e ruinats
Impussibel da sortir - Vo eschat pers
Las ormas tuottas mortas - Pers per tuot l'eternità
Qua as poja be spartir - Pers...
...lur ultimas forzas - Per tuot l'eternità
Nos sguards as toccan per ün cuort mumaint
Eu saint la temma zoppada in teis spiert
Ün stadi s-chür, da chafuol dadaint
At lascha dar ün man, eu at güd sü fich jent
Teis arriv d'eira manzunà, in meis cudesch da chürom
In quist lö plain malom, chi porta be teis nom
Ingün fin uossa ha dostà, quista terribla fom
Perquai spet eu pazchaint, in meis reginom
|
||||
2. |
Plövgia sainza guots
05:50
|
|
||
Quist lö es sainza sortidas
Las paraids fich strettas
Sco üna foura suot il muond
Impli cun impissamaints profuonds
Praschunà illa s-chürdüm
Sco üna fossa sainza glüm
Il cheu circundà plain füm
Tuot para da dvantar ün
Daspö ch'eu m'algord am stirast tü vers tai
Am bain di, che voust tü be cun mai?
Tia lantscha perfora meis bel cour
Perche n'um simplamaing poust tour?
Eu sun sulet sco ün'ura sainza mans
o ün inamurà sainza cumpogn
Isolà sco ün lai tuot süt illa stà
o ün fö dal lain involà
Bandunà sco ün flüm sainza curraint
ed üna plövgia sainza guots
Solitari sco ün capricorn orfnà
o il tschiervi chatschà
Daspö ch'eu m'algord am stirast tü vers tai
Am bain di, che voust tü be cun mai?
Tia fotsch taglia in meis cour
Perche n'um simplamaing poust tour?
Mütschir va be cun ir plü chafuol
Nu sa scha quai's propa voul
La libertà davent dalöntschezzas
E sgür na per sai stess
Tras quists mürs ingün nu rumparà
Listess prouv eu da trar il flà
Am saint sco ün lai süt illa stà
Mai nu invlidarà, eu at n'ha fabrichà
|
||||
3. |
Meis ultim let
08:25
|
|
||
Sco üna cuntrada plain morts, cun vias chafuollas
Impissamaints stips, stantus e ter cumplichats
La vita nu d'eira mai la plü simpla
Plain impedimaints e da gronda difficultà
In quist lö, ingio chi nu dà il bel inviern
Ün bun toc aval as crouda, di per di
Be per cuntinuar, in ün s-chür infiern
Tanter la merda, e glieud chi vivan sco inimis
Eu nu invlid il sentimaint da mia regiun
Plain superbi ed ün'indigena expressiun
Culla cugnuoschentscha d'avair alch particular
D'avair quai, ch'artificial nu's po mai far
Mai mai, mai, po far
Sulet, protet, inclet
Engiadina, meis let
...meis ultim let
Uossa sun eu in viadi, vers ün'ultima destinaziun
Là ingio cha tuot, avant decennis varà cumanzà
Eu vegn là, ingio cha tuot finalmaing in malura giarà
Qua dasper il flüm, suot las muntognas da mia val, eu sarà
Tanter ils grips, pins, dschembers ed ils lais
Suot las nüvlas e'l sulai, ot i'l tschêl
Dasper il fö, ils ögls dals animals cun lur fom
Immez las föglias d'or, i'l bel utuon
Qua pigl eu plaz' - ün'ultima jà
In mia fossa - sül sunteri eu sarà
Per survgnir mia terra - finalmaing uni
Plain silenzi e...
Sulet, protet, inclet
Engiadina, meis ultim let
|
||||
4. |
Istorgias
05:52
|
|
||
Mia senda am piglia qua e là
Ils dis passan speravia milli jà
Nu sà sch'ün di a chà eu rivarà
Ma lönch na forza plü varà
Tadlond las istorgias da nos craps
Las chanzuns dals spierts infinits
Dod eu quista vusch, mincha di
E'ls flüms giran aval. Aval, di per di
Las vals am quintan lur pissers vegliuords
Dittas da rabgia, amur e legendas da la mort
Chi piglia mincha rom, guot e föglia per föglia
Mincha uors, vuolp, capricorn e corv per corv
I'l movimaint da nossas costas
Illa s-chürdüm in nossas chavernas
Vez eu quist segn, mincha di
E'ls flüms giran aval. Aval, di per di
Eir scha'l sömmi es fingià lönch davent
Viag eu in tschercha da meis dadaint
Be amo ün pass, ün pass eu farà
Chatschond alch lönch passà
Sün nossas muntognas, vers nos tschêl
In nos lais, e tras tuot ils gods
Saint eu quist ultim inimi, mincha di
E'ls flüms giran aval. Aval, di per di
Avant mai la fatscha da l'ultim opponent
Chau meis ami, eu at brancl fich jent
|
||||
5. |
Engiadina sur tuot!
08:48
|
|
||
Ultim lö da derivanza
Ultim lö da sgürezza
Unic lö da bellezza
Unic lö da quietezza
Engiadina
Engiadina sur tuot!
In temps da guerras
In temps da depressiuns
Vegn eu in Engiadina
Vegn eu a chasa
Muntognas imposantas
Flüms chi tiran
Davent da citats e lur merda
Lönch davent
Engiadina
Engiadina sur tuot!
In temps da depressiuns
Vegn eu in Engiadina
Vegn eu a chasa
|
||||
6. |
La mort
07:22
|
|
||
Suot la tenda dal tschêl engiadinais
Illa terra tanter ils morts da meis lö
Sül frunt da fatschas plain rabgia
Illa sumbriva suot il chapè üsà
Sur ils cheus da la glieud süls chomps
Suot las punts da l'en pür
I'ls instrumaints dals musicants
Illa schigliusia tanter inamurats
Tia expressiun es müravglius'e inevitabla
Nu svanischa mai, mia chara giunfra
Intuorn tai tuot la vita as varà stordschada
E finalmaing in meis cour tü poust star
Suot il tet dal muond indigen
I'ls puogns dals criminals plain violenza
Sül fuond dals lais fraids
I'ls ögls dals vegls in baselgia
Suot las chasas da l'umanità
I'l sang sül curtè dals victims mordriats
Suot las cuvertas dals uffants güst nats
I'ls cours dals animals sulvadis plain libertà
I'ls pleds dals giuvenils a chà
I'l fö ils ögls dals chatschaders
Ed illa dolur dals schluppetats
I'ls daints illas boccas suos-chas
I'ls sömmis dals innozaints dürant la not
Suot las curunas dals bös-chs vegls
I'ls muglins sper ils flüms ferms
E'ls daints vi dal man dret, serrà
Tia expressiun es müravglius'e inevitabla
Nu svanischa mai, mia chara giunfra
Intuorn tai tuot la vita as varà stordschada
E finalmaing in meis cour tü poust star
Illa spranza dal curaschus plain naïvità
Sülla craista tanter ils cunfins natürals
I'l pan frais-ch dals paurs lavurius
I'ls delicts dals pechaders noschs
I'ls bügls süllas plazzas da cumün
I'ls mans dal ravarenda in urazchun units
Süllas maisas dals prümarans i'l inviern
E'ls peschs dals pes-chaders i'ls flüms
|
||||
7. |
La fossa sül sunteri
08:15
|
|
||
Ün'ultima jà lasch'eu girar meis sguard tras la chavorgia
Tanter chasas engiadinaisas chi'm quintan tuot lur istorgias
Spettond sülla salaschada illa raspada vez eu tuot meis inimis
Salüdond ün davo l'oter passaint eu meis ultims dis
Entrond il portal da fier riv eu in mi'ultima chà
Immez tuot ils partits, na prüm e na il final eu sarà
Meis let pront fingià, sulet be per mai
Finalmaing darcheu unià, güst’dasper tai
Ün ultim respir, ün ultim suspür
Ün ultim tschüt, immez il cumün vegl
Sper il schuschuri da l'en
Aintr eu la terra soncha, ed il grip etern
Entrond il portal da fier, riv eu in mi'ultima chà
Immez tuot ils partits, na prüm e na il final eu sarà
"Il muond trapassa e seis giavüschamaints,
ma chi chi fa la voluntà da Dieu resta in etern…"
|
Streaming and Download help
If you like Wacht, you may also like:
Bandcamp Daily your guide to the world of Bandcamp