1. |
Il capricorn solitari
06:22
|
|
||
Sulet cunter il muond contuorn
Isolà ot sur il tact modern
Ils grips tuots vaira tagliaints
Il precipizi preschaint e permanent
Sülla craista sta
Il capricorn sulet
Uschè ot elevà
Ma adüna qua
Cun üna leivezza rampigna nos bel boc
Sainza difficultà, dürant di e la not
El splendura, che da nar
Da superbgia ed onur
Viva üna vita be per dominar
Sur tuot il spelm e grava vasta
|
||||
2. |
Intellect inflamà
05:34
|
|
||
Profuond silenzi be güsta qua
Chafuol precipizi, ot sur l'aguoglia
Cun pazienza aspettà
Sün ün piz fich isolà
In mistica plajà
Da tschiera cuvernà
In mes mans tuot calms
Il chalsch plain fö inglüminà
Ils bratschs stendüts
Vers il tschêl rabgiantà
Ün suspür dal fö divin
Passa tras meis chavels
Passond ün cunfin lontan
Sainza vista da retuorn
I zofla cun forza üna pirantüm
D'intuorn ün' isolaziun e la s-chürdüm
E tuot in üna jada
As haja profità
Las forzas da natüra
As han unicamaing s-charagiadas
Meis spiert dandet distanzà
Il rest nüd daltuot ruinà
Unià cun temp lönch passà
Müravglius epür realtà
Las flommas splenduran sclerind
Il tschêl s-chür sconsolant
Il metal arda malamaing
Fastizis in mia surfatscha
Ün sbrai da satisfacziun sorta
D'ün lö profuond in mia orma
Fuormond ün' inaccessibla clerità
Ün intellect superiur e inflamà
|
||||
3. |
Nos privilegi
05:57
|
|
||
No eschan indigen, ün culs contuorns
No eschan ils titans da la cuntrada oriunda
Nos spiert es inflamà pensond vi da la patria
Ün ester mai varà ün simil sentimaint
Quai es nos privilegi
L'unic chi nun's pon tour davent
Es nossa affecziun per las vals
La terra ed ils grips, il tschêl, sulai ed aier
Las muntognas e la natüra, l’atmosfera incongualabla
Qua il piz ourasomma d’üna svizra distanta
Glüscha tuot da bellezza e totala perfecziun
|
||||
4. |
Engiadina sur tuot!
06:32
|
|
||
Unic lö da derivanza
Unic lö da sgürezza
Ultim lö da bellezza
Ultim lö da quietezza
ENGIADINA SUR TUOT!
In temps da guerras
In temps da depressiuns
Vegn eu in Engiadina
Vegn eu a chasa
Muntognas imposantas
Flüms chi tiran
ENGIADINA SUR TUOT!
Davent da citads e lur merda
Lönch davent
ENGIADINA SUR TUOT!
|
||||
5. |
Indigen
05:31
|
|
||
Cun bun tockin arroganza
As poja uschea dir
Da Zernez fin a Martina
's rechatta nos paradis
Quist es unic territori
In Svizra e sül muond
Las ormas plain superbi
E quai dal tuot profuond
Eu sun ün indigen
E quai cun tuot meis cour
Mia vita ha quist segn
Ingün nu'm po quai tour
Tanter muntognas e bös-chs
Ils capricorns e chamuotschs
Grippa ota, vals chafuollas
Cuntrada veglia e tschêl blau
Impussibel e da nar
Cha quist nu po plaschair
Schigliusia quai be sarà
Nu pos incleger propcha na
In vardà üna val da bellezza
Engiadina'm piglia il flà
|
||||
6. |
Grischun abandunà
00:59
|
|
||
7. |
Sbrais sainza sun
04:49
|
|
||
Girond sül flüm da vita
Maladestrett sco ün toc lain
Mincha sfrach as bada be fich debel
Tuot para listess e da paca valur
Emoziuns lönch plü sun qua
Id es sco striunà
Tuot greiv e fich plan
Sco suot aua as sainta
In quist muond
Nüglia plü nu vaglia
Sbrais sortan sainza sun
Movimaints restan sainz' influenza
Ögls scuvernats
Impissamaints tuorblats
|
||||
8. |
Güstizia, per la vardà
03:58
|
|
||
16 canditats ston passar la punt
Vi' e nan sco chi tocca
Accumpagnà d'ün sonch manzneder
Güstizia, per la vardà
L'Engiadina bassa ha avuonda
Revoluziun, destrucziun
Als 16. lügl, 1618
1300, Engiadinais stan pronts
Chischlatsch, vegn desdrüt
Desdrüt dals Engiadinais
Las binderas boffan in libertà
Da Zernez fin a Tusan
16 canditats, ston passar la punt
Vi' e nan sco, chi tocca
Accumpagnà d'ün, sonch manzneder
Güstizia, per la vardà
Desdrüt dals Engiadinais
|
||||
9. |
Fundà sün fö
04:37
|
|
||
Il spelm da la baselgia arsa
Ha dat il nom a quist bel lö
Schulle, Sculla o Scopulus
Quai es in meis cour
Terrain populà daspö tschientiners
Il lö fundà sün flommas stessas
Dal Piz Nair fin io'l Costaina
Dal Piz Minschun fin Punta Vedretta
Schulle, Sculla o Scopulus
Quai es in meis cour
Il fö pussant ha tut las
Ormas sacrifichadas per nettiar il spiert
L’ossa es sfrachada ils corps sun ars
E hozindi qua ün flach terra
Uschè bel sco nü'oter
|
||||
10. |
Black Metal über Alles
02:25
|
|
||
11. |
Epilog / Engiadina
07:18
|
|
Streaming and Download help
If you like Wacht, you may also like:
Bandcamp Daily your guide to the world of Bandcamp